Organizata e Veteranëve të Luftës së UÇK-së në Shtime me dhembje të thellë njofton opinionin publik për ndarjen nga jeta të Veteranit të UÇK-së, ish-nënoficerit të TMK-së dhe Rreshterit të Klasit të Parë të Forcës së Sigurisë së Kosovës (FSK), Arsim Vishesella.
Arsimi ishte një bashkëluftëtar i përkushtuar dhe një njeri i urtë që kontribuoi në mënyrë të çmuar në luftën për liri dhe më pas në ndërtimin e institucioneve të Kosovës. Ai shërbeu me dinjitet në Trupat e Mbrojtjes së Kosovës dhe vazhdoi me përkushtim shërbimin e tij në FSK deri në përkeqësimin e shëndetit.
“Ndarja e tij e parakohshme ka lënë një boshllëk të madh në mesin e bashkëluftëtarëve dhe të gjithë atyre që e njohën dhe e çmuan. Organizata e Veteranëve të Luftës shpreh ngushëllimet më të sinqerta për familjen, miqtë dhe të afërmit e Arsimit.” thuhet në njoftimin e OVL-së në Shtime.
