Bora e parë e këtij dimri ka zënë në befasi komunën e Shtimes, duke shkaktuar vështirësi të mëdha për qytetarët dhe qarkullimin e automjeteve. Rrugët e fshatrave dhe disa rrugë kryesore brenda komunës mbeten të mbuluara me borë, duke u bërë sfidë për automjetet dhe banorët që përpiqen të lëvizin. Në disa raste, qytetarët kanë raportuar vonesa të gjata dhe automjete të bllokuara.
Qytetarët ankohen se autoritetet komunale nuk kanë marrë masa të duhura për pastrimin e rrugëve në kohë. Fotografitë që qarkullojnë në rrjetet sociale tregojnë qartë se rrugët janë të bllokuara dhe se mungon intervenimi i mjeteve për pastrim të borës.
