Më 25 nëntor 2024 pritet të përurohet objekti i ri i Bibliotekës dhe Arkivit të qytetit të Shtimes, një projekt i nisur gjatë kohës së qeverisjes së ish-kryetarit të Komunës së Shtimes, z. Naim Ismajli. Ky investim i rëndësishëm nga Ministria e Kulturës, Rinisë dhe Sportit është një hap drejt përparimit kulturor dhe arsimor në qytet.
Objekti modern do të shërbejë si një qendër e dijes dhe aktiviteteve kulturore për banorët e të gjitha moshave. Në ceremoninë e përurimit pritet të marrin pjesë Kryeministri Albin Kurti, Ministri i Kulturës Hajrullah Çeku dhe kryetari aktual i Komunës së Shtimes. Ky projekt simbolizon përkushtimin për zhvillimin e infrastrukturës kulturore në Shtime dhe krijimin e mundësive të reja për komunitetin.
