Shtime, 6 Shtator 2025 – Një katastrofë e rëndë mjedisore ka goditur sot qytetin e Shtimes. Lumi Shtimjanja është helmuar dhe peshq të ngordhur janë parë përgjatë shtratit të lumit. Lajmi është konfirmuar nga qytetari Art Bytyqi, i cili ka publikuar pamje alarmuese nga vendngjarja.

“Tmerr! Sot në orët e mëngjesit Lumi Shtimjanka është helmuar dhe si pasojë shumë peshq janë parë të ngordhur në fundin e lumit. Ju lus qytetarët të kenë shumë kujdes se çka po hidhet në lum, sepse kimikate të rrezikshme po lëshohen nga njerëz të pandërgjegjshëm,” – ka deklaruar Bytyqi.